​​Suechsch en neue und coole Arbetgäber, wo dir attraktivi Astelligsbedingige und es fortschrittlichs Arbetsziitmodell bietet? Wotsch imene super Team schaffe und en coole Chef ha, wo dich förderet und forderet? Üse Uftraggäber gits sit 20 Jahr und ghört zu de beschte IT-Dienstleister i de Zentralschwiz. Fürs Team suched mer im Mandat per sofort oder per Veribarig en chundeorientierte IT-Spezialist i de Rolle als

 

System Engineer 80-100% (m/w/d)

Arbeitsort isch i de Nöchi vo Lozärn

​
 

Dini Ufgabe sind:

Als IT-Spezialist hesch Verantwortig für en grossi Vielfalt vo interessante Ufgabe im chundenöche IT-Umfäld. Bi de Arbet implementiersch ond entwicklisch User Enviroment Lösige, automatisiersch Softwareinstallatione und Updates im Clientmanagement-Bereich. Für dini Chunde suchsch d’optimali Hardware und stohsch im direkte Kontakt mit dine Enduser, wo es Alige oder no en Frag händ. Zäme mit dini Kollege erstellsch Konzept für grossi IT-Projekt und setzisch di au um.

​
 

Das bringsch du mit:

För dä Job bringsch en abschglosseni Informatikusbeldig mit ond hesch scho zwei, drü Jöhrli Erfahrig als System Engineer. Du hesch au gueti Känntiss im Microsoft Client Umfäld, guets Wüsse im Microsoft Grupperichtlinie Bereich und im User Environment Management Lösungsumfeld kännsch di auch bestens us. Grundlegendi Server-Kenntniss wie au s’Beherrsche von de Scriptingsprache (u.a. PowerShell) rundet dis Profil super guet ab. Du bisch en bodenständigi, lösungsorientierte und teamfähige Persönlichkeit und verfügsch über gueti kommunikativi Fähigkeite i Dütsch und Änglisch. Das chonsch über: Du schaffsch für es cools Unternehme, wo für Mänschlichkeit, Qualität und Innovation staht. Als IT-Spezi chasch sehr selbständig schaffe ond gnüssisch grosses Vertraue von dim Chef und dine Arbetskollege. Näbschst em super moderne Arbetsplatz ond en gute Zapfe chunsch gueti Sozialleistige, flexibli Arbetsziite, d`Möglichkeit für Teilziitarbet, en gsundi Work-Life-Balance und Papi-Ferie über. Dezue wirsch du unterstützt, wenn e Usbildig mache willsch.

​
 

Hesch Lust uf de tolli Job:

Schick dini komplette Unterlage (es Aschribe bruchi ned) eifach per E-Mail a bewerbung@dp-consulting.ch und wänn no Frage hesch, lüüt einfach a.

​

​